تھیم پارک، پاکستانیوں کیلیے بڑی خوشخبری

اسلام آباد (قومی بیورو): ‏سعودی سرمایہ کاری سے پاکستان میں اپنی نوعیت کا پہلا تھیم پارک اسلام آباد میں بنے۔

تاریخی قذافی سٹیڈیم میں پاکستان کے پہلے تھیم پارک پراجیکٹ کے معاہدے پر دستخط کی تقریب ہوئی جس کے مہمان خصوصی وفاقی وزیرِ داخلہ و چیئرمین پی سی بی محسن تھے۔

مفاہمتی یادداشت پر سعودی پاکستان بزنس کونسل کے چیئرمین شہزادہ منصور بن محمد السعود اور چیئرمین سی ڈی اے سہیل اشرف نے دستخط کئے۔ محسن نقوی کی جانب سے مفاہمتی یادداشت پر دستخط کا خیر مقدم کیا گیا اور شہزادہ منصور بن محمد السعود کو مبارکباد۔

معاہدے کے تحت سعودی عرب کے سرمایہ کار اسلام آباد میں تھیم پارک پراجیکٹ کیلئے سرمایہ کاری کریں گے جب کہ کیپیٹل ڈویلپمنٹ اتھارٹی تھیم پارک کیلئے اراضی فراہم کرے۔

محسن نقوی نے کہا کہ تھیم پارک پراجیکٹ کے حوالے سے سعودی عرب سے آئے معزز مہمانوں کا دل کی اتھاہ گہرائیوں سے خیر مقدم کرتے ہیں، اسلام آباد کے انفراسٹرکچر کو جدید ترین شہروں کی طرز پر استوار کیا جا رہا ہے سعودی سرمایہ کاروں کو ہر ممکن سہولتیں فراہم کی جائیں گی، تھیم پارک ایک گیم چینجر پراجیکٹ ثابت ہو گا اگلے چند ماہ میں سعودی عرب میں رئیل سٹیٹ کے حوالے سے روڈ شو کا بھی پلان۔

شہزادہ منصور بن محمد السعود نے کہا کہ پاکستان خصوصاً اسلام آباد میں سرمایہ کاری کے بہترین مواقع ہیں۔ سی ڈی اے کے ممبران اور سعودی وفد کے اراکین بھی اس موقع پر موجود تھے۔