این ویڈیا سربراہ کا غیر ازدواجی تعلقات کا اعتراف، تحقیقات شروع

بیجنگ (تزویراتی بیورو): این ویڈیا کے سربراہ جینسن ہوانگ نے غیر ازدواجی تعلقات کا اعتراف کر لیا ہے، جبکہ ان کی کمپنی نے ان خبروں کی تحقیقات کا اعلان کیا ہے جن میں کہا گیا ہے کہ وہ ایک غیر ملکی خفیہ ادارے کی کارروائی کا ہدف بنے تھے۔

یہ دونوں الگ الگ بیانات ایسے وقت سامنے آئے ہیں جب سنگاپور کی ٹیکنالوجی کمپنی میگا اسپیڈ کی ایک ایگزیکٹو ایلس ہوانگ کے ساتھ جینسن ہوانگ کے قریبی تعلقات پر تشویش بڑھ رہی ہے۔

امریکی میڈیا کے متعدد اداروں نے رپورٹ کیا ہے کہ امریکی حکام کو شبہ ہے کہ ایلس ہوانگ نے چین کو خفیہ معلومات فراہم کیں اور جدید مصنوعی ذہانت کے چپس چین اسمگل کرنے میں مدد۔

یہ تنازع دنیا کی دوسری بڑی کمپنی اور مصنوعی ذہانت کی ترقی کی علامت سمجھی جانے والی این ویڈیا پر اعتماد کو نقصان پہنچا سکتا ہے۔ یہ معاملہ ایسے وقت سامنے آیا ہے جب امریکا اور چین ٹیکنالوجی کے میدان میں ایک دوسرے سے آگے نکلنے کی دوڑ میں مصروف ہیں۔

این ویڈیا کے ملازمین کو بھیجے گئے ایک پیغام میں جینسن ہوانگ نے کہا کہ وہ اپنی اہلیہ اور بچوں کو تکلیف پہنچانے کے ذمہ دار ہیں اور انہوں نے ان سے بے وفائی۔

63 سالہ ہوانگ نے اپنے مبینہ تعلق میں ملوث دوسری شخصیت کا نام نہیں بتایا۔