جاسوسی کیلئے ہدف تک رسائی کیسے حاصل کی جاتی ہے؟ سابق روسی ایجنٹ نے ہنی ٹریپ کے طریقے بتا دیے

دی اردو پوسٹ (مانیٹرنگ ڈیسک): سابق روسی خفیہ ایجنٹ علیا روزا نے انکشاف کیا ہے کہ جاسوسی کے لیے کسی ہدف تک پہنچنے سے پہلے اس کی شخصیت، دلچسپیوں، خواہشات اور کمزوریوں کا تفصیلی جائزہ لیا جاتا ہے جبکہ نفسیاتی حربوں کے ذریعے اعتماد حاصل کر کے اسے اپنے اثر میں لانے کی کوشش کی جاتی ہے۔

بھارتی میڈیا این ڈی ٹی وی کو انٹرویو دیتے ہوئے علیا روزا نے بتایا کہ مجھے جاسوسی کی دنیا سے متعارف میرے والد نے کروایا تھا جو اس وقت اعلیٰ فوجی عہدے پر فائز تھے، والد مجھے انسانی اور منشیات کی اسمگلنگ کے خلاف کام کرنے والے محکمۂ جرائم کی تحقیقات میں لے کر گئے۔

انہوں نے بتایا کہ بعد ازاں مجھے ایک خصوصی تربیتی پروگرام میں شامل کیا گیا جہاں میں نے ہنی ٹریپ، یعنی محبت اور جذباتی تعلقات کے ذریعے کسی شخص کو اپنے جال میں پھنسانے، ترغیب دینے اور اس پر اثر انداز ہونے کی حربے سیکھے۔

علیا روزا کے مطابق کسی بھی کارروائی سے پہلے ہدف کی دلچسپیوں، عزائم، قریبی تعلقات اور کمزوریوں کے بارے میں معلومات جمع کی جاتی ہیں، اس مقصد کے لیے نفسیاتی حربے، قائل کرنے کی صلاحیت، جذباتی طور پر اثر انداز ہونے اور ذہنی رویوں کو سمجھنے کی تیکنیکیں استعمال کی جاتی ہیں۔

جینسن ہوانگ نے 1993ء میں اینویڈیا کی بنیاد رکھی تھی اور اپنی طویل قیادت میں اسے مصنوعی ذہانت کی عالمی صنعت کی اہم ترین کمپنیوں میں شامل کیا۔

انہوں نے بتایا کہ بعض اوقات ہدف سے براہِ راست رابطہ کرنے کے بجائے ایسے شخص کے ذریعے تعارف حاصل کیا جاتا ہے جس پر وہ پہلے سے اعتماد کرتا ہو۔

ہنی ٹریپ میں محبت یا رومانوی تعلقات کو استعمال کر کے کسی شخص تک رسائی حاصل کی جاتی ہے تاکہ اس سے خفیہ معلومات حاصل کی جا سکیں یا اس کے فیصلوں پر اثر انداز ہوا جا سکے گا۔

انٹرویو میں علیا روزا نے امریکی کمپنی اینویڈیا کے شریک بانی جینسن ہوانگ اور ایلس ہوانگ سے متعلق معاملے کا بھی ذکر کیا۔

انہوں نے ایلس ہوانگ کے چینی انٹیلی جنس سے مبینہ روابط اور ان کے شوہر کانگ وے کے ذریعے جینسن ہوانگ سے تعارف کے حوالے سے شکوک کا اظہار کیا۔

علیا روزا نے انٹرویو کے دوران دعویٰ کیا کہ کسی بااعتماد شخص کے ذریعے تعارف، کاروباری روابط اور بعد ازاں جذباتی تعلق ایک منظم ہنی ٹریپ کارروائی کا حصہ ہوتے ہیں۔

واضح رہے کہ یہ علیا روزا کے الزامات ہیں، چین نے ایلس ہوانگ کے جاسوس ہونے کے دعوؤں کی تردید کی ہے جبکہ معاملے کی تحقیقات جاری ہیں۔

علیا روزا کے مطابق بڑی کاروباری شخصیات جاسوسی کے لیے اہم اہداف ہوتی ہیں کیونکہ ان شخصیات سے ہی حساس کاروباری معلومات، بااثر شخصیات اور اہم فیصلوں تک رسائی حاصل ہوتی ہے۔

سابق روسی خفیہ ایجنٹ کا کہنا ہے کہ ہنی ٹریپ کا مقصد صرف خفیہ معلومات حاصل کرنا نہیں بلکہ طویل مدتی تعلقات قائم کر کے کسی شخص کی سوچ اور فیصلوں کو بھی متاثر کرنا ہو سکتا ہے۔

برطانوی ادارے نے اکتوبر کے دوران ہونے والے متعدد پیغامات کی خط و کتابت کا جائزہ لیا، اس خط و کتابت کی تفصیلات پہلی مرتبہ سامنے لائی گئی ہیں۔

بھارتی میڈیا کے مطابق علیا روزا اب اپنے تجربات کی بنیاد پر کاروباری شخصیات کو نفسیاتی حربوں اور ہنی ٹریپ کے ممکنہ خطرات سے آگاہ کرتی ہیں۔

علیا روزا کے مطابق جاسوسی ہمیشہ خفیہ دستاویزات چرانے یا خفیہ ملاقاتوں سے شروع نہیں ہوتی بلکہ بعض اوقات ایک عام گفتگو، بااعتماد تعارف اور بتدریج مضبوط ہونے والے تعلق سے بھی اس کا آغاز ہو سکتا ہے۔