آبنائے ہرمز میں بحری بارودی سرنگوں سے ٹکرا کر دو آئل ٹینکروں میں آگ لگ گئی

دی اردو پوسٹ (مانیٹرنگ ڈیسک): ایران کے پاسدارانِ انقلاب کی بحریہ نے دعویٰ کیا ہے کہ آبنائے ہرمز میں دو آئل ٹینکرز بحری بارودی سرنگوں سے ٹکرانے کے بعد آگ کی لپیٹ میں آگئے۔

خبر رساں ادارے اے ایف پی کے مطابق پاسدارانِ انقلاب کی بحریہ نے ایک بیان میں کہا کہ دونوں ٹینکرز آبنائے ہرمز میں اس راستے سے گزر رہے تھے جسے ایران نے غیر مجاز قرار دیا ہے۔ اسی دوران وہ بحری بارودی سرنگوں سے ٹکرا گئے، جس کے نتیجے میں ان میں آگ بھڑک اٹھی۔

ایرانی پاسدارانِ انقلاب کی بحریہ نے اپنے بیان میں ٹینکروں کے نام، ان کی ملکیت، آگ لگنے کے بعد کی صورتِ حال یا ممکنہ جانی نقصان سے متعلق تفصیلات فراہم نہیں کیں۔