ایک کے بعد ایک سرپرائز آئے گا، ایرانی کمانڈر کا نئی میزائل سٹی کے افتتاح پر دشمن کو دھمکی

دی اردو پوسٹ (مانیٹرنگ ڈیسک): ایران کے مسلح افواج کے چیف آف اسٹاف میجر جنرل علی عبداللہی نے نئی میزائل سٹی کے افتتاح کے موقع پر دشمن کو دھمکی دی ہے کہ مستقبل میں کسی جنگ کی صورت میں ایک کے بعد ایک سرپرائز ملے گا۔

ایرانی میڈیا کی رپورٹ کے مطابق ایران کے چیف آف اسٹاف میجر جنرل علی عبداللہی نے پاسداران انقلاب کے ایرواسپیس فورس کی نئی میزائل سٹی کا افتتاح کیا اور اس موقع پر انہوں نے ایرانی مسلح افواج کی تعریف کرتے ہوئے ایرو اسپیس فورس کے عہدیداروں اور فوج میں ان کے ساتھیوں کو ملک کے حقیقی ہیروز قرار دے دیا۔

جنرل علی عبداللہی نے کہا کہ ایران نے اپنے دشمنوں کے خلاف لڑتے ہوئے مثالی کامیابی حاصل کرلی ہے، امریکا نے امریکا نے کسی بھی دوسری جنگ میں اتنے ہی عرصے کے دوران کبھی اتنی بڑی تعداد میں گولہ بارود اور فوجی سازوسامان خصوصاً اس قدر جدید ہتھیاروں کا استعمال نہیں کیا۔

انہوں نے کہا کہ اگلی جنگ میں ایک کے بعد ایک حیران کن سرپرائزز سامنے آئیں گے۔

۔

امریکا کو جنگ میں ناکامی کے پہلوؤں پر بات کرتے ہوئے انہوں نے کہا کہ فیصلہ کن پہلو اسلحہ، بارود یا فوجی وسائل نہیں تھا بلکہ عوام کا اپنے ملک کے دفاع کا عزم ہے اور ایرو اسپیس فورس کے کمانڈر بریگیڈیئر جنرل سید ماجد موسوی کا حوالہ دیتے ہوئے کہا کہ آپ جیسے جنگجووں اور کمانڈرز کے عزم نے دشمنوں کو گھٹنے ٹیکنے پر مجبور کیا۔