بین الاقوامی مارکیٹوں میں خام تیل کی قیمتوں میں اضافہ

خلیج بیورو (ریاض / دبئی): دبئی: بین الاقوامی مارکیٹوں میں خام تیل کی قیمتوں میں مزید اضافہ ہوگیا۔

تفصیلات کے مطابق برینٹ خام تیل 1.32 فیصد بڑھ کر 115.37 ڈالر فی بیرل پر آگیا جبکہ امریکی ویسٹ ٹیکساس 1.48 فیصد اضافے سے 101.36 ڈالر فی بیرل پر ٹریڈ کررہا۔

واضح رہے کہ عالمی منڈی میں خام تیل کی قیمتوں میں ہونے والے اضافے کے اثرات اب پاکستانی معیشت پر واضح طور پر نمایاں ہونے لگے ہیں، جس کے نتیجے میں ملک کا امپورٹ بل تیزی سے بڑھنے لگا۔

مہنگے خام تیل کی خریداری کے باعث ستمبر 2026 میں پاکستان کی درآمدات کا حجم گزشتہ 51 ماہ کی بلند ترین سطح پر ریکارڈ کیا گیا۔

ستمبر 2026 کے دوران پاکستان کا درآمدی بل 6 ارب 17 کروڑ ڈالرسے تجاوز کر گیا، جبکہ مجموعی ملکی درآمدات 6.2 ارب ڈالر کی سطح تک پہنچ گئیں۔ ماہرین کا کہنا ہے کہ پٹرولیم مصنوعات اور غذائی اشیاء کی درآمدات میں ہونے والے اضافے نے امپورٹ بل کو بڑھانے میں اہم کردار ادا کیا۔

عالمی مارکیٹ میں تیل کی قیمتیں بڑھنے کی وجہ سے پاکستان کے درآمدی اخراجات پر شدید دباؤ بڑھ رہا ہے، جبکہ مہنگے تیل اور خوراک کی فراوانی کو برقرار رکھنے کے لیے کی جانے والی ان درآمدات نے ملکی طلب میں بھی اضافہ کر دیا۔

معاشی تجزیہ کاروں کے مطابق، یہ بڑھتا ہوا امپورٹ بل ملکی معیشت اور بیرونی ادائیگیوں کے توازن کے لیے ایک بڑا چیلنج بن سکتا ہے، جس سے نمٹنے کے لیے حکومتی سطح پر مؤثر حکمت عملی اپنانے کی ضرورت۔