حکومت کا انتخابی اصلاحات پر اپوزیشن سے مذاکراتی عمل آگے بڑھانے کا فیصلہ

دی اردو پوسٹ (مانیٹرنگ ڈیسک): حکومت نے پارلیمنٹ کی انتخابی اصلاحات کمیٹی کے قیام کے معاملے پر اپوزیشن سے مذاکراتی عمل آگے بڑھانے کا فیصلہ کیا ہے۔لیا ہے۔

ذرائع نے بتایا کہ انتخابی اصلاحات کمیٹی کی چیئرمین شپ پیپلز پارٹی کو دی جائے گی، وزیر اعظم شہباز شریف نے اس پر اپوزیشن کو پارلیمانی کمیٹی میں شامل کرنے کی ہدایت کی ہے۔دی ہے۔

ذرائع نے مزید بتایا کہ 20 رکنی پارلیمانی کمیٹی برائے انتخابی اصلاحات میں اپوزیشن کے 5 ارکان شامل ہوں گے، وزیر اعظم شہباز شریف نے اپوزیشن سے پارلیمانی کمیٹی کیلیے نام طلب کرنے کی ہدایت کی ہے، اسپیکر قومی اسمبلی اپوزیشن کو پارلیمانی کمیٹی میں شمولیت کی دعوت کیلیے خط لکھیں گے، خط کے ذریعے اپوزیشن سے کمیٹی کیلیے 5 ارکان کے نام مانگے جائیں گے۔

ذرائع کے مطابق انتخابی اصلاحات کے عمل میں اپوزیشن کو شامل کر کے تمام جماعتوں کے درمیان قومی سطح پر اتفاق رائے پیدا کرنے کی بھرپور کوشش کی جا رہی ہے۔