نیتن یاہو کا الیکشن سے قبل ایران پر حملے کا منصوبہ؛ موساد چیف اور سینیئر افسران میں ٹھن گئی

دی اردو پوسٹ (مانیٹرنگ ڈیسک): اسرائیلی خفیہ ایجنسی موساد کے سربراہ رومن گوفمین اور ادارے کے سینئر حکام کے درمیان ایران پر انتخابات سے پہلے حملہ کرنے کے منصوبے پر شدید اختلافات پیدا ہوگئے۔

اسرائیلی اخبار ہاریتز کے مطابق موساد کے سربراہ گوفمین اپنے وزیراعظم نیتن یاہو کے الیکشن سے قبل ایران پر حملے کے حق میں ہیں لیکن خفیہ ایجنسی کے اعلیٰ حکام نے اس کی مخالفت۔

اسرائیلی اخبار نے نام ظاہر نہ کرنے والے سینیئر ذرائع کے حوالے سے بتایا کہ موساد کے اعلیٰ عہدیداروں نے ایران پر فوری حملے کے وقت اور اس کے اسرائیلی انتخابات پر ممکنہ اثرات کے بارے میں تحفظات ظاہر کیے ہیں۔

رپورٹ کے مطابق بعض حکام نے یہ سوال بھی اٹھایا کہ آیا سیاسی مفادات کو قومی سلامتی کے معاملات کے ساتھ ملایا جارہا۔

موساد کے سربراہ رومن گوفمین اس سے قبل نیتن یاہو کے فوجی سیکریٹری کے طور پر بھی خدمات انجام دے چکے ہیں۔ وزیراعظم نے انھیں رواں سال جون میں موساد کا سربراہ مقرر کیا تھا۔

رپورٹ کے ردعمل میں خفیہ ایجنسی موساد نے کہا کہ ادارہ اپنے دائرۂ اختیار میں آنے والی خفیہ کارروائیوں یا بند کمرے میں ہونے والی بات چیت پر تبصرہ نہیں کرتا۔