کراچی: انٹر بورڈ کی جعلی ویب سائٹ کے ذریعے طلبا کو فی پیپر 10 ہزار روپے میں کلیئر کرانے کی پیشکش
پاکستان کا نمبر 1 ڈیجیٹل پورٹل - اشتہار کی جگہ
یہاں اپنا اشتہار یا بینر لگانے کے لیے ہم سے رابطہ کریں
آڈیو خلاصہ سنیں (نیوز اوورویو و مکالمہ)
السلام علیکم! دی اردو پوسٹ کے خصوصی اے آئی آڈیو اوورویو میں خوش آمدید۔ میں ہوں آپ کا میزبان، اور آج کی بڑی خبر کا جائزہ لے رہے ہیں۔ خبر کی سرخی ہے: "کراچی: انٹر بورڈ کی جعلی ویب سائٹ کے ذریعے طلبا کو فی پیپر 10 ہزار روپے میں کلیئر کرانے کی پیشکش"۔
📌 اہم نکات (خلاصہ):
- تفصیلات کے مطابق اعلیٰ ثانوی تعلیمی بورڈ کراچی کی جعلی ویب سائٹ کے ذریعے طلبہ سے رقم بٹورنے کا انکشاف ہوا، جہاں طلبہ کو فی پرچہ 10 ہزار روپے کے عوض نتائج کلیئر کرانے کی پیشکش کی جا رہی۔
- گوگل سرچ کے ذریعے سامنے آنے والی جعلی رزلٹ ویب سائٹ پر درج واٹس ایپ ہیلپ لائن کے ذریعے طلبہ کو نشانہ بنایا جا رہا۔
- جعلی ہیلپ لائن پر موجود خواتین خود کو بورڈ کی ملازم ظاہر کرتی ہیں اور طلبہ کو نتائج تبدیل یا کلیئر کرانے کے لیے رقم ادا کرنے کا کہتی ہیں۔
دعویٰ کیا جا رہا ہے کہ لاکھوں روپے بٹورنے کے بعد جعلی ویب سائٹ کو مینٹی نینس کے نام پر بند کر دیا گیا۔
چیئرمین انٹربورڈ کراچی فقیر محمد لاکھو نے وضاحت جاری کرتے ہوئے کہا کہ اعلیٰ ثانوی تعلیمی بورڈ کا اس جعلی ویب سائٹ سے کوئی تعلق نہیں۔
انہوں نے واضح کیا کہ بورڈ کی آفیشل ویب سائٹ کی شناخت بلیو مارک سے کی جا سکتی ہے اور طلبہ معلومات یا رابطے کے لیے صرف سرکاری ویب سائٹ استعمال کریں۔
چیئرمین انٹربورڈ کا کہنا تھا کہ جعلی ویب سائٹ کے حوالے سے نیشنل سائبر کرائم انویسٹی گیشن ایجنسی (این سی سی آئی اے) کو متعدد بار آگاہ کیا جا چکا ہے، جبکہ اس کی روک تھام کے لیے متعلقہ ادارے کو خط بھی ارسال کیا گیا۔
انٹربورڈ حکام نے والدین اور طلبہ کو خبردار کیا ہے کہ وہ نتائج کلیئر کرانے یا تبدیل کرنے کے نام پر کسی کو رقم ادا نہ کریں اور غیر مصدقہ ویب سائٹس یا واٹس ایپ نمبرز پر اعتماد کرنے سے گریز کریں۔
قومی اور بین الاقوامی برانڈز کے لیے سپانسرڈ بینر اسپیس
پاکستان اور دنیا بھر میں اپنے برانڈ کو نمایاں کریں
سید ذیشان حیدر
بیورو چیف اسلام آباددی اردو پوسٹ کے باقاعدہ تصدیق شدہ صحافی و نامہ نگار۔ تمام خبریں پاکستان پریس کونسل اور ادارتی ضابطہ اخلاق کے تحت شائع کی جاتی ہیں۔
