کراچی: کلفٹن میں پارک سے ملنے والی لاش کے قاتل 2 بھائی پکڑے گئے

کراچی (معاشی و سیاسی بیورو): کراچی کے پوش علاقے کلفٹن میں پارک کے قریب سے ملنے والی لاش کے قاتل 2 بھائی پکڑے گئے۔

پولیس کے مطابق کامران گل عرف شینا کے قتل میں ملوث 2 بھائیوں کو گرفتار کرلیا گیا ہے، شک کی بنیاد پر مقتول کے بھائی شیر محمد اور وحید علی کو شامل تفتیش کیا گیا۔

تفتیشی حکام کا بتانا ہے کہ دوران تفتیش ملزمان نے بھائی کے قتل میں ملوث ہونے کا اعتراف کیا ہے، ملزمان نے بھائی کو شیریں جناح کالونی میں گھر میں جھگڑے کے بعد قتل کیا۔

پولیس کا کہنا ہے کہ ملزمان نے بھائی کی لاش کو بوری میں بند کرکے دفن کردیا تھا، مقتول پرمنشیات سے متعلق تین مقدمات درج تھے۔

ادھر گلشن حدید میں گھر میں نامعلوم افراد کی فائرنگ کے نتیجے میں 2 خواتین جاں بحق ہوگئیں۔

پولیس نے کہا کہ دونوں شدید زخمی خواتین نے اسپتال منتقلی کے دوران دم توڑ دیا، گھر میں صرف 2 خواتین تھیں، کچھ لوگوں نے گھر میں گھس کر فائرنگ۔

ایس ایس پی ملیر ڈاکٹر عبدالخالق نے بتایا کہ واقعہ ابتدائی طور پر کوئی دشمنی کا لگتا ہے، پولیس کی ٹیم پہنچ گئی ہے واقعے کی تفتیش کررہے ہیں۔