کراچی: گلشن حدید میں گھر پر فائرنگ سے ماں اور بیٹی جاں بحق

کراچی (معاشی و سیاسی بیورو): کراچی کے علاقے گلشن حدید فیز ٹو میں گھر پر فائرنگ سے ماں، بیٹی جاں بحق اور بیٹا زخمی ہوگیا۔

پولیس کے مطابق نامعلوم موٹر سائیکل سوار ملزم گھر میں داخل ہو کر فائرنگ کے بعد فرار ہوگئے، واقعہ اسٹیل ٹاؤن تھانے کی حدود میں پیش آیا۔

پولیس کا کہنا ہے کہ جاں بحق ہونے والوں کی شناخت بختاور ولد محمد دین، عمر تقریباً 15 سے 16 سال اور والدہ سمیہ زوجہ محمد دین، عمر تقریباً 42 سے 45 سال کے نام سے ہوئی ہے۔

فائرنگ کے نتیجے میں زید علی ولد دین محمد، عمر تقریباً 12 سے 13 سال، زخمی ہوا۔

یہ پڑھیں: کراچی: کلفٹن میں پارک سے ملنے والی لاش کے قاتل 2 بھائی پکڑے گئے۔

پولیس کے مطابق فائرنگ کے بعد ملزم موقع سے فرار ہوگیا، زخمی کو فوری طور پر قریبی گلشن حدید اسپتال منتقل کیا گیا ہے۔

پولیس نے واقعے کی تحقیقات شروع کر دی ہیں جبکہ ملزم کی تلاش جاری ہے۔

زخمی بیٹے 12 سالہ زاہد نے پولیس کو دیے گئے بیان میں بتایا کہ دوسرے کمرے میں تھا جب فائرنگ کی گئی تو باہر آکر دیکھا تو امی پر فائرنگ کی گئی تھی۔

زاہد کے مطابق ملزمان نے میرے سر پر بھی اسلحہ مارا، فائرنگ کرنے والوں کو نہیں پہچانتا کہ وہ کون ہیں۔