کیا کراچی بندرگاہ پر موجود افغان تاجروں کے سینکڑوں کنٹینرز کا مال نیلام کیا جا رہا ہے؟

نیلامی کرنے والی کمپنی کی جانب سے جاری کی گئی تصاویر میں دیکھا جا سکتا ہے کہ افغان تاجروں کے کنٹینرز کے دروازے کھولے گئے ہیں اور ان میں موجود سامان خریداروں کو دکھایا جا رہا۔

کراچی بندرگاہ میں کافی عرصے سے پھنسے ہوئے افغان تاجروں کے کنٹینرز پر بھاری ٹیکس اور گودام/پارکنگ کے اخراجات جمع ہوتے گئے۔ ان اضافی اخراجات کی وجہ سے کئی تاجر اپنا مال نہیں چھڑا سکے، جس کے نتیجے میں ان کا سامان نیلامی کے لیے پیش کر دیا گیا۔

ایک افغان تاجر مطیع اللہ نے بھی دی اردو پوسٹپشتو سے بات کرتے ہوئے تصدیق کی ہے کہ افغانستان اور پاکستان کے درمیان تجارتی اور ٹرانزٹ راستے بند ہونے کے بعد کراچی بندرگاہ میں پھنسے افغان تاجروں کے سامان کی نیلامی چند روز قبل شروع ہوئی تھی۔

افغانستان چیمبر آف کامرس کے حکام نے پاکستان کے اس اقدام کو علاقائی اور بین الاقوامی تجارتی قوانین کے خلاف قرار دیا۔

پاکستان نے رواں سال کے آغاز میں افغان ٹرانزٹ سامان کو ملک سے نکالنے کی اجازت دی تھی اور کہا تھا کہ افغان تاجر کراچی اور دیگر بندرگاہوں سے اپنے پھنسے ہوئے مال کو واپس اصل ملک یا کسی دوسرے ملک منتقل کر سکتے ہیں۔