نریندر مودی کی 33 سال قبل مرنے والے سادھو کے ‘ہولوگرام’ سے گفتگو کی ویڈیو وائرل

بیجنگ (تزویراتی بیورو): نئی دہلی(26 اکتوبر 2026): بھارتی وزیر اعظم نریندر مودی کی مصنوعی ذہانت اور تھری ڈی ہولوگرام ٹیکنالوجی کا استعمال کرتے ہوئے 33 برس قبل وفات پانے والے سوامی چینمایانند سے براہِ راست گفتگو کی ویڈیو وائرل ہوگئی۔

بھارتی وزیر اعظم نریندر مودی نے نئی دہلی میں ایک تقریب کے دوران مصنوعی ذہانت اور تھری ڈی ہولوگرام ٹیکنالوجی کا استعمال کرتے ہوئے 33 برس قبل مرنے والے ہندو سنت سوامی چینمایانند کے اے آئی اوتار سے براہِ راست گفتگو کی ہے، جس پر سوشل میڈیا صارفین اور ناقدین کی جانب سے شدید ردعمل کا اظہار کیا جا رہا۔

23 اکتوبر 2026 کو نئی دہلی کے ‘بھارت منڈپم’ میں چینمایا مشن کی 75 ویں سالگرہ کے سلسلے میں ‘چینمایا امرت مہوتسو’ کا انعقاد کیا گیا تھا۔ اس تقریب میں جنریٹو اے آئی اور تھری ڈی پروجیکشن کی مدد سے سوامی چینمایانند (جو 3 اگست 1993 کو انتقال کر گئے تھے) کا ایک متحرک ہولوگرام تیار کیا گیا تھا۔

A post shared by Khobor (@thekhobor)۔

اس اے آئی اوتار نے نہ صرف سوامی کے چہرے کے تاثرات اور آواز کو ہو بہو نقل کیا بلکہ 1993 میں وڈودرا کے مقام پر مودی کے ساتھ ہونے والی ایک پرانی ملاقات کا ذکر کرتے ہوئے ان سے مزاحیہ اور ستائشی انداز میں بات چیت کی اور انہیں کھانا کھانے کی ہدایت بھی۔

نریندر مودی نے اس سیشن کو ایک “روحانی تجربہ” قرار دیتے ہوئے کہا کہ انہیں محسوس ہوا جیسے وہ 33 سال ماضی میں چلے گئے ہوں۔ جہاں حکمران جماعت اور بھارتی وزیرِ ثقافت گجندر سنگھ شیخاوت نے اس تجربے کا دفاع کرتے ہوئے اسے “آستھا (مذہبی عقیدت) اور ٹیکنالوجی کا غیر معمولی سنگم” قرار دیا، وہیں عوام اور ناقدین نے اسے شدید تنقید کا نشانہ بنایا۔