ایوارڈ تقریب میں نیند سے بے حال لامین یامال کے چھوٹے بھائی توجہ کا مرکز بن گئے

پشاور (نمائندہ خصوصی): فٹبال کی دنیا کے معروف ایوارڈ بیلن ڈی اور کی تقریب میں بارسلونا کے نوجوان اسٹار لامین یامال ایوارڈ تو نہ جیت سکے لیکن ان کے چار سالہ چھوٹے بھائی کینے نے اپنی معصومانہ حرکتوں سے محفل لوٹ۔

لندن کے پیلیڈیم میں منعقد ہونے والی تقریب میں کینے اپنے بڑے بھائی کی حوصلہ افزائی کے لیے شریک ہوئے۔ وہ سیاہ بو ٹائی کے ساتھ خوبصورت سوٹ پہن کر تقریب میں پہنچے اور ریڈ کارپٹ پر ’راک، پیپر، سیزرز‘ کا کھیل کھیلتے بھی دکھائی دیے۔

اس موقع پر انہوں نے بائرن میونخ کے اسٹار مائیکل اولیسے سے ہاتھ بھی ملایا۔

تاہم، ایوارڈ تقریب میں تاخیر کے باعث ننھے کینے پر نیند کا غلبہ ہونے لگا اور وہ اپنی نشست پر ہی سوتے ہوئے نظر آئے۔