’پشاور شہر کی زمینی کے ساتھ اب فضائی نگرانی بھی ممکن‘

اے آر وائی نیوز کے مطابق پشاور سیف سٹی سسٹم کو ڈرون اور اینٹی ڈرون ٹیکنالوجی سے منسلک کر دیا گیا، جس کے بعد اب شہر کی زمینی نگرانی کے ساتھ فضائی نگرانی بھی ممکن ہوگی۔

پشاور پولیس کا کہنا ہے کہ پاکستان میں پہلی بار سیف سٹی نظام کے تحت ڈرون مانیٹرنگ کا نظام متعارف کرایا گیا ہے، جس کے مرکزی کمانڈ اینڈ کنٹرول روم سے صوبے بھر میں پولیس ڈرون کیمروں کی نگرانی کی جا سکے۔

جدید اینٹی ڈرون ٹیکنالوجی 5 کلومیٹر تک علاقے کو کور کرنے اور دہشت گردی میں استعمال ہونے والے کواڈ کاپٹرز کو ناکارہ بنانے کی صلاحیت رکھتی۔

دوسری جانب خیبر پختونخوا پولیس کو 10 جدید ایمبولینسز اور 8 بکتر بند گاڑیاں بھی فراہم کر دی گئی ہیں، جن میں چھ ضرب حیدر اور دو ڈریگون کلاس اے پی سیز شامل ہیں۔

یہ گاڑیاں مختلف اضلاع کے پولیس افسران کے حوالے کی گئی ہیں۔ ان اقدامات کا مقصد پولیس کی آپریشنل صلاحیت بڑھانا، اہلکاروں کا تحفظ یقینی بنانا اور دہشت گردی کے خطرات سے مؤثر انداز میں نمٹنا۔

سیف سٹی کے کیمرے ہی غیر محفوظ، چور لے اُڑے۔