عرفات کی شاندار بیٹنگ، فخر کی سنچری، پاکستان کی سری لنکا کے خلاف سہ فریقی سیریز کے فائنل میں فتح

دی اردو پوسٹ (مانیٹرنگ ڈیسک): پاکستان نے نوجوان آل راؤنڈ عرفات منہاس کی جارحانہ نصف سنچری اور تجربہ کار اوپنر فخر زمان کی سنچری بدولت سہ فریقی سیریز کے فائنل میں سری لنکا کو باآسانی 3 وکٹوں سے شکست دے کر سیریز اپنے نام کرلی۔

قذافی اسٹیڈیم لاہور میں کھیلے گئے سہ فریقی سیریز کے فائنل میں پاکستان نے ٹاس جیت کر سری لنکا کو پہلے بیٹنگ کی دعوت دی، جس کے بعد مہمان ٹیم نےمقررہ 50 اوورز میں 8 وکٹوں پر 325 رنز بنائے۔

سری لنکا نے کامیندو مینڈس (131) کی پہلی ون ڈے سنچری کی مدد سے مقررہ 50 اوورز میں 8 وکٹوں کے نقصان پر 325 رنز بنائے۔

پون رتھنائیکے 77 اور اویشکا فرنانڈو 38 رنز بناکر دیگر نمایاں بلے باز رہے۔

پاکستان کی جانب سے نسیم شاہ، حارث رؤف، شاہین شاہ آفریدی اور سلمان علی آغا نے 2، 2 وکٹیں حاصل کیں۔

قومی ٹیم نے فخر زمان کی شان دار سنچری کی بدولت سری لنکا کے بولرز کے عزائم کو ناکام بنایا اور ابتدائی اوورز میں اہم وکٹیں گرنے کے باوجود میچ میں اپنی گرفت برقرار رکھی۔