اسرائیل میں سیاسی دنگل کل سجے گا، نیتن یاہو حکومت کا سیاسی مستقبل داؤ پر لگ گیا

اسلام آباد (قومی بیورو): یروشلم(26 اکتوبر 2026): اسرائیل میں اقتدار کے حصول کے لیے سیاسی دنگل کل سجے گا جہاں وزیراعظم بنجمن نیتن یاہو کی حکومت کو شدید سیاسی چیلنج اور کانٹے کے مقابلے کا سامنا۔

غیر ملکی میڈیا رپورٹ کے مطابق، انتخابات کے پیشِ نظر امریکا اور یورپ سمیت دنیا بھر سے تقریباً 67,000 اسرائیلی ووٹرز اپنا حقِ رائے دہی استعمال کرنے کے لیے صیہونی ریاست پہنچ چکے ہیں۔

مبصرین کا ماننا ہے کہ بیرونِ ملک مقیم ان اسرائیلی ووٹرز کی بڑی تعداد میں آمد سے انتخابی نتائج پر گہرے اثرات مرتب ہو سکتے ہیں۔ بعض ووٹرز طویل عرصے سے جاری پالیسیوں اور غزہ جنگ سے متعلقہ صورتحال سے ناخوش دکھائی دیتے ہیں اور وہ ملک کے لیے ایک نئی سمت کے خواہاں ہیں۔

نیتن یاہو بہترین جنگجو وزیر اعظم ہیں، اسرائیلی عوام ووٹ دیتے وقت انھیں یاد رکھیں، ٹرمپ۔

اسرائیلی وزیراعظم بنجمن نیتن یاہو ساتویں بار اقتدار سنبھالنے کے لیے کوشاں ہیں، اور انہیں اس بار امریکی صدر ڈونلڈ ٹرمپ کی بھرپور حمایت بھی حاصل۔

دوسری جانب، اپوزیشن اتحاد کی جانب سے انہیں سخت مقابلہ دیا جا رہا ہے، جس میں سابق فوجی سربراہ گادی آئزنکوٹ اور سابق وزیراعظم نفتالی بینیٹ جیسی نمایاں شخصیات شامل ہیں۔