اسلام آباد اور دیگر شہروں کے مختلف علاقوں میں بجلی معطلی کا شیڈول جاری

دی اردو پوسٹ (مانیٹرنگ ڈیسک): آئیسکو کی سالانہ پاور ڈسٹری بیوشن سسٹم مینٹینس پروگرام کے تحت 02 نومبر کو اسلام آباد اور دیگر شہروں میں بجلی فراہمی معطل رہے گی۔

آئیسکو نے ریجن بھر میں جنرل پبلک کیلیے جاری ترقیاتی پراجیکٹس، نئے فلائی اوور، انڈر پاس، نئے 11KV فیڈرز کی تعمیر، سڑکوں کی مزید توسیع وغیرہ، بجلی کے پول اور دیگر تنصیبات کی شفٹنگ کیلیے محدود دورانیے کے عارضی بجلی بندش کا شیڈول جاری کیا۔

11Kv فیڈرز کی سالانہ مرمت، تعمیراتی/ترقیاتی کام اور گرڈ پاور ٹرانسفارمرز کی دیکھ بھال کی وجہ سے شٹ ڈاؤن کی منظوری دی گئی۔

صارفین کی سہولت کیلیے عارضی بجلی شٹ ڈاؤن شیڈول آئیسکو کی آفیشل ویب سائٹ www.iesco.com.pk / آئیسکو سوشل میڈیا پلیٹ فارمز فیس بک (IESCO Updates)، ٹویٹر / X اکاؤنٹ (IESCO Official Pk) پر بھی اپ لوڈ کیے جاتے ہیں۔

انتظامیہ کا کہنا ہے کہ وہ اپنے قابلِ قدر صارفین کو ہونے والی زحمت پر مخلصانہ معذرت خواہ ہے اور تعاون پر شکر گزار ہے۔