شام: خواتین کے لیے اعلیٰ تعلیم کے بعض شعبوں میں داخلے پر پابندیاں عائد

دی اردو پوسٹ (مانیٹرنگ ڈیسک): بعض شعبوں میں خواتین کے لیے رکاوٹیں پیدا ہو گئی ہیں۔

حکام کا مؤقف ہے کہ بعض پابندیاں سابقہ حکومت کے دور کے تعلیمی نظام سے منتقل ہوئی ہیں، جبکہ بعض شعبوں میں فوجی یا سکیورٹی خدمات کی لازمی شرط بھی خواتین کی شمولیت میں رکاوٹ بن رہی۔

ان تبدیلیوں سے دمشق کی 23 سالہ طالبہ لین نجاب کے تعلیمی منصوبے بھی متاثر ہوئے ہیں۔ وہ میکاٹرونکس انجینئرنگ کی تعلیم حاصل کر رہی ہیں اور ماسٹرز کی ڈگری لینا چاہتی تھیں۔ ان کا کہنا ہے کہ اب انہیں اپنے مستقبل کے بارے میں دوبارہ سوچنا پڑے گا اور ممکن ہے کہ تعلیم جاری رکھنے کے لیے کسی دوسرے صوبے منتقل ہونا پڑے۔

نجاب کے مطابق، دوسرے صوبے میں جا کر تعلیم حاصل کرنا شامی خواتین کے لیے آسان نہیں۔ طالبات کے ہاسٹلوں میں رہائش کے مسائل کے علاوہ قدامت پسند معاشرے میں خواتین کا اکیلے رہنا بھی ناپسندیدہ سمجھا جاتا ہے۔ ان کا کہنا ہے کہ والدین سکیورٹی خدشات یا معاشرتی روایات کے باعث اکثر اپنی بیٹیوں کو دوسرے شہروں میں تعلیم حاصل کرنے کی اجازت نہیں دیتے۔

خواتین اب بھی ان اداروں میں پڑھائے جانے والے مضامین کی تعلیم دیگر عمومی یونیورسٹیوں اور کالجوں میں حاصل کر سکتی ہیں، لیکن اس کے لیے انہیں اضافی مشکلات کا سامنا کرنا پڑ سکتا۔

داخلوں کے نئے قواعد پر شامی معاشرے میں مختلف آرا سامنے آئی ہیں۔ نجاب کا کہنا ہے کہ کسی فرد کی صلاحیت کا تعین اس کی جنس سے نہیں ہونا چاہیے بلکہ داخلے کا معیار قابلیت اور تعلیمی کارکردگی ہونا چاہیے۔

حلب سے تعلق رکھنے والی سماجی کارکن فتون خربطلی بھی خواتین کو مخصوص شعبوں سے دور رکھنے کی مخالف ہیں۔ ان کا کہنا ہے کہ ہر شخص کو اپنی صلاحیت اور دلچسپی کے مطابق شعبہ منتخب کرنے کا حق حاصل ہونا چاہیے۔ ان کے مطابق شام کو عالمی ترقی کے ساتھ قدم ملا کر چلنے کی ضرورت ہے، تاہم اس عمل میں مذہبی اقدار اور باہمی احترام کو بھی ملحوظ رکھا جا سکتا۔

اس کے برعکس دمشق کے دیہی علاقے میں رہنے والی تین بچوں کی ماں قمر الیاسر پابندیوں کو درست سمجھتی ہیں۔ ان کے مطابق دفاع اور سکیورٹی سے متعلق بعض شعبوں میں جسمانی طاقت، سخت محنت، طویل سفر، میدانی کارروائیوں اور دور دراز مقامات پر رات گزارنے کی ضرورت پڑ سکتی ہے، جو ان کے خیال میں خواتین کے مقابلے میں نوجوان مردوں کے لیے زیادہ موزوں۔

تاہم داخلوں کے قواعد کا جائزہ ظاہر کرتا ہے کہ ان پابندیوں کا تعلق صرف جسمانی تقاضوں سے نہیں بلکہ فوجی اور سکیورٹی اداروں میں لازمی ملازمت سے بھی ہو سکتا۔

نیشنل یونیورسٹی آف ڈیفنس سائنسز میں داخلے کے لیے شامی فوج میں خدمات انجام دینا ضروری ہے، جبکہ یونیورسٹی برائے سکیورٹی سائنسز کے فارغ التحصیل طلبہ کو داخلی سکیورٹی فورسز میں 20 سال تک خدمات انجام دینے کا عہد کرنا ہوتا ہے۔ اس طرح ان اداروں میں داخلے کی پابندیاں خواتین کے لیے متعلقہ پیشوں میں آگے بڑھنے کے امکانات بھی محدود کر سکتی ہیں۔

انسانی حقوق کی عالمی تنظیم ہیومن رائٹس واچ نے داخلوں کے نئے قواعد پر سخت تنقید کرتے ہوئے انہیں امتیازی قرار دیا ہے۔ تنظیم کے مطابق، یہ قواعد شام کی بین الاقوامی قانونی ذمہ داریوں سے متصادم ہیں اور عبوری حکام کے ایسے اقدامات کا حصہ ہیں جو ریاستی اداروں میں خواتین کے کردار کو محدود اور صنفی بنیادوں پر سخت گیر تصورات کو مضبوط کرتے ہیں۔

تشویش صرف دفاعی اور سکیورٹی اداروں تک محدود نہیں۔ نئے قواعد کے تحت حلب کے ایک ریلوے ادارے، رمیلان، حمص، دیرالزور اور بانیاس میں تیل و گیس کی تربیت دینے والے اداروں، اور ادلب میں ریڈیو و ٹیلی وژن کے ایک کورس میں بھی خواتین کے داخلے پر پابندیاں عائد کی گئیں۔ دوسری جانب کنڈرگارٹن، نرسنگ اور دائی کی تربیت کے بعض کورسز مردوں کے لیے بند کر کے خواتین کے لیے مخصوص کر دیے گئے۔

ناقدین کے مطابق، یہ پابندیاں اس بات کی نشاندہی کرتی ہیں کہ تعلیمی مواقع کی تقسیم میں جنس کو اہم بنیاد بنایا جا رہا ہے، جس سے مردوں اور خواتین دونوں کے لیے اپنی پسند کے شعبوں میں آگے بڑھنے کے امکانات محدود ہو سکتے ہیں۔

افغان لڑکیاں ذہنی مسائل کا شکار کیوں؟ To view this video please enable JavaScript, and consider upgrading to a web browser that supports HTML5 video۔

شام میں خواتین تاریخی طور پر سکیورٹی اداروں کا حصہ رہی ہیں، تاہم شامی مرکز برائے دفاعی و سکیورٹی مطالعات کے مطابق، ان کی شمولیت محدود اور بڑی حد تک علامتی رہی۔

مڈل ایسٹ انسٹی ٹیوٹ کی تحقیق کی مصنفہ دینا اراکیجی کا کہنا ہے کہ سکیورٹی کے شعبے میں خواتین کی شمولیت تمام شہریوں کو قومی ذمہ داریوں میں برابر کا شریک تسلیم کرنے میں مدد دے سکتی ہے۔ ان کے مطابق، خواتین کو فوج میں شامل ہونے کے مواقع دینا روایتی صنفی تصورات کو بھی تبدیل کر سکتا۔

شامی کارکن رانا الاش کے مطابق، داخلوں کی شرائط کے ذریعے خواتین کو یہ پیغام دیا جاتا ہے کہ بعض شعبے ان کے لیے نہیں ہیں۔ ان کا کہنا ہے کہ جب تعلیمی ادارے خود ایسی پابندیاں نافذ کرتے ہیں تو خواتین کے لیے خاندانی اور معاشرتی توقعات کا مقابلہ کرنا مزید مشکل ہو جاتا۔