تماشا سیزن 5 کی مقبول جوڑی زیب خان اور اسرا عائشہ رشتۂ ازدواج میں منسلک، تصاویر وائرل

انہوں نے لکھا کہ "الحمدللہ، الحمدللہ، الحمدللہ، مجھے یقین نہیں آ رہا کہ یہ سب کیسے ہوا، بیشک اللہ بہترین منصوبہ ساز ہے۔ آپ سب کا ہمارے لیے دعائیں کرنے کا بہت شکریہ۔ زیب خان نے اپنے پیغام میں یہ بھی لکھا کہ اللہ نے میرے لیے زمین پر یہ سکون کا ٹکڑا بھیج کر بہت کرم کیا ہے، میں تم سے محبت کرتا ہوں بیگم۔

واضح رہے کہ تماشا سیزن 5 کے دوران زیب خان کی اچانک شو سے بے دخلی نے دوسرے حریفوں کے ساتھ ساتھ اسرا کو بھی شدید صدمے میں ڈال دیا تھا، اور اسرا کا جذباتی ردعمل ناظرین کے درمیان ایک بڑی بحث کا موضوع بنا تھا۔

شو سے باہر آنے کے بعد زیب خان نے ایک انسٹاگرام لائیو سیشن میں اس بات کا اعتراف کیا تھا کہ وہ جانتے تھے کہ ان کے جانے کے بعد اسرا جذباتی دور سے گزریں گی، یہی وجہ ہے کہ انہوں نے گھر سے نکلتے وقت حسن کو ان کا خیال رکھنے کا کہا تھا۔

تماشا اے آر وائی ڈیجیٹل کا ایک مشہور رئیلیٹی ٹیلی ویژن شو ہے جس کی میزبانی نامور اداکار عدنان صدیقی کرتے ہیں۔ شادی کی یہ خبر سامنے آنے کے بعد مداحوں اور ساتھی فنکاروں کی جانب سے اس نئے جوڑے کو مبارکبادیں دینے کا سلسلہ تیزی سے جاری۔