9 نومبر کو عام تعطیل ہوگی یا نہیں؟ اہم خبر آگئی

اسلام آباد (نیوز ڈیسک): اسلام آباد: حکومت کی جانب 9 نومبر کو اقبال ڈے کے موقع پر عام تعطیل کا اعلان کردیا گیا۔

تفصیلات کے مطابق شاعرِ مشرق علامہ محمد اقبال کے یومِ ولادت (اقبال ڈے) کی مناسبت سے 9 نومبر کو ملک بھر میں عام تعطیل ہوگی۔

سال 2026ء میں 9 نومبر بروز پیر کو آ رہا ہے، جس کے باعث شہریوں کو ہفتہ وار چھٹیوں کے ساتھ طویل ویک اینڈ کی سہولت بھی میسر آئے۔

کابینہ ڈویژن کی جانب سے 19 جنوری 2026ء کو جاری کردہ سالانہ سرکاری چھٹیوں کے کیلنڈر و نوٹیفکیشن کے مطابق 9 نومبر کو اقبال ڈے کے موقع پر ملک بھر میں عام تعطیل کا باقاعدہ اعلان کیا گیا۔

نوٹیفکیشن کے بعد 9 نومبر بروز پیر تمام سرکاری و نجی دفاتر، تعلیمی ادارے اور سرکاری جامعات بند رہیں۔

خیال رہے نو نومبر 1877 کو سیالکوٹ میں پیدا ہونے والے علامہ اقبال برصغیر کی ایک اہم شخصیت کے طور پر ابھرے، انہوں نے تحریک پاکستان میں اہم کردار ادا کیا۔