بلوچستان میں انٹیلی جنس بیسڈ آپریشنز، 8 دہشتگرد ہلاک، میجر اور حوالدار شہید
پاکستان کا نمبر 1 ڈیجیٹل پورٹل - اشتہار کی جگہ
یہاں اپنا اشتہار یا بینر لگانے کے لیے ہم سے رابطہ کریں
آڈیو خلاصہ سنیں (نیوز اوورویو و مکالمہ)
السلام علیکم! دی اردو پوسٹ کے خصوصی اے آئی آڈیو اوورویو میں خوش آمدید۔ میں ہوں آپ کا میزبان، اور آج کی بڑی خبر کا جائزہ لے رہے ہیں۔ خبر کی سرخی ہے: "بلوچستان میں انٹیلی جنس بیسڈ آپریشنز، 8 دہشتگرد ہلاک، میجر اور حوالدار شہید"۔
📌 اہم نکات (خلاصہ):
- پاک فوج کے شعبہ تعلقات عامہ آئی ایس پی آر کے مطابق 13 نومبر سے بلوچستان کے علاقوں کوہلو، کردگاپ اور نوشکی کے گرد ونواح میں متعدد انٹیلی جنس بیسڈ آپریشنز کیے گئے۔
- آئی ایس پی آر کے مطابق 13 اور 14 نومبر کی درمیانی شب کوہلو میں سیکیورٹی فورسز نے 8 دہشت گردوں کو ہلاک کیا۔
- آئی ایس پی آر کے مطابق ہلاک دہشت گردوں میں ایک خودکش بمبار بھی شامل تھا، کارروائی کے دوران بھاری مقدار میں اسلحہ اور گولہ بارود بھی برآمد کیا گیا۔
- 14 نومبر کو دہشت گردوں نے گشت پر مامور فوجی گاڑیوں کو مسلح کواڈ کاپٹرز کے ذریعے نشانہ بنایا، دہشت گردوں کے حملے میں میجر عمر منہاس ناصر اور حوالدار محمد عدنان خان نے جام شہادت نوش کیا۔
کوئٹہ (خصوصی نامہ نگار): بلوچستان کے مختلف علاقوں میں انٹیلی جنس بیسڈ آپریشنز کے دوران 8 دہشت گردوں کو ہلاک کردیا گیا، دہشت گردوں کے حملے میں میجر اور حوالدار شہید ہوگئے۔
پاک فوج کے شعبہ تعلقات عامہ آئی ایس پی آر کے مطابق 13 نومبر سے بلوچستان کے علاقوں کوہلو، کردگاپ اور نوشکی کے گرد ونواح میں متعدد انٹیلی جنس بیسڈ آپریشنز کیے گئے۔
آئی ایس پی آر کے مطابق 13 اور 14 نومبر کی درمیانی شب کوہلو میں سیکیورٹی فورسز نے 8 دہشت گردوں کو ہلاک کیا۔ علاقے میں سیکیورٹی برقرار رکھنے کے لیے کوئٹہ تفتان قومی شاہراہ این 40 پر گشت بھی جاری ہے، ہلاک دہشت گردوں کا تعلق فتنہ الہندوستان سے تھا۔
آئی ایس پی آر کے مطابق ہلاک دہشت گردوں میں ایک خودکش بمبار بھی شامل تھا، کارروائی کے دوران بھاری مقدار میں اسلحہ اور گولہ بارود بھی برآمد کیا گیا۔
14 نومبر کو دہشت گردوں نے گشت پر مامور فوجی گاڑیوں کو مسلح کواڈ کاپٹرز کے ذریعے نشانہ بنایا، دہشت گردوں کے حملے میں میجر عمر منہاس ناصر اور حوالدار محمد عدنان خان نے جام شہادت نوش کیا۔
آئی ایس پی آر کے مطابق میجر عمر منہاس ناصر کا تعلق ضلع چکوال سے تھا جبکہ حوالدار محمد عدنان خان کوٹلی ستیاں کے رہائشی تھے۔
پاک فوج کے شعبہ تعلقات عامہ کے مطابق سیکیورٹی فورسز بدلتے ہوئے خطرات سے مکمل طور پر آگاہ ہیں۔ عزم و استحکام کے تحت انسداد دہشت گردی مہم پوری رفتار سے جاری رہے گی اور سیکیورٹی فورسز ملک سے بیرونی سرپرستی میں ہونے والی دہشت گردی کے خاتمے کے لیے پرعزم ہیں۔
قومی اور بین الاقوامی برانڈز کے لیے سپانسرڈ بینر اسپیس
پاکستان اور دنیا بھر میں اپنے برانڈ کو نمایاں کریں
طارق محمود چوہدری
سینئر تجزیہ نگار و چیف رپورٹردی اردو پوسٹ کے باقاعدہ تصدیق شدہ صحافی و نامہ نگار۔ تمام خبریں پاکستان پریس کونسل اور ادارتی ضابطہ اخلاق کے تحت شائع کی جاتی ہیں۔
