آئی اے ای اے کو ایران میں افزودہ یورینیئم کا کچھ پتہ نہ چل سکا، خفیہ سہ ماہی رپورٹ رکن ممالک کو ارسال

دی اردو پوسٹ (مانیٹرنگ ڈیسک): عالمی جوہری توانائی کے ادارے (آئی اے ای اے) نے ایران سے متعلق خفیہ سہ ماہی رپورٹ رکن ممالک کو ارسال کر دی۔

غیر ملکی میڈیا کے مطابق آئی اے ای اے نے رپورٹ میں ایرانی افزودہ یورینیئم سے متعلق معلومات کے فقدان اور تنصیبات تک رسائی نہ ہونے کو انتہائی تشویش ناک قرار دیا ہے۔

رپورٹ میں کہا گیا ہے کہ ایرانی جوہری پروگرام کی سرگرمیوں کے پُرامن رہنے کا نتیجہ اخد کرنے سے قاصر ہیں، ایرانی جوہری معلومات تک رسائی میں تعطل کو انتہائی ہنگامی بنیادوں پر حل کرنے کی ضرورت ہے۔

بحرین میں امریکی بحریہ کے پانچویں بیڑے (ففتھ فلیٹ) کا مرکزی ہیڈکوارٹر قائم ہے۔

رپورٹ کے مطابق بوشہر پاور پلانٹ کے علاوہ ایرانی جوہری تنصیبات اور جوہری مواد کی موجودہ صورتِ حال کے بارے میں آئی اے ای اے کو نہ تو کوئی معلومات موصول ہوئی ہیں اور نہ ہی ان تک رسائی دی گئی ہے۔

اس حوالے سے کہا گیا ہے کہ اصفہان یورینیئم افزودگی پلانٹ کے ڈیزائن سے متعلق معلومات کا جائزہ لینے یا اس کا معائنہ کرنے کی اجازت بھی نہیں دی گئی۔

آئی اے ای اے کے مطابق اصفہان افزودگی پلانٹ کے درست محل وقوع اور اس میں موجود جوہری مواد سے لاعلم ہیں، بغیر کسی مزید تاخیر کے ایران میں تصدیقی سرگرمیاں انجام دینا انتہائی ناگزیر ہے۔

رپورٹ میں آئی اے ای اے کے سربراہ رافیل گراسی نے ایران سے تعمیری تعاون کرنے کا مطالبہ کرتے ہوئے کہا ہے کہ ایران جوہری معاملات سے متعلق سیف گارڈ ایشوز کے حل کے لیے تعاون سے گریزاں ہے۔