الیکشن کمیشن نے ایم کیو ایم پاکستان کو شوکاز جاری کر دیا

دی اردو پوسٹ (مانیٹرنگ ڈیسک):

۔

الیکشن کمیشن نے متحدہ قومی موومنٹ (ایم کیو ایم) پاکستان کو شوکاز جاری کر دیا ہے۔

الیکشن کمیشن کے مطابق 26 اکتوبر 2026ء کو شوکاز جاری کیا گیا ہے، ایم کیو ایم پاکستان انٹرا پارٹی انتخابات کرانے کے قانونی تقاضے پورے کرنے میں ناکام رہی ہے، سیاسی جماعت نے مقررہ توسیعی مدت 15 اکتوبر 2026ء تک انٹرا پارٹی انتخابات نہیں کرائے۔

الیکشن کمیشن کا کہنا ہے کہ سیاسی جماعتوں کے عہدیداران کا باقاعدگی سے انتخاب کرانا قانونی تقاضہ ہے، الیکشن ایکٹ 2017ء کے تحت انٹرا پارٹی انتخابات کرانا لازمی ہے، انٹرا پارٹی انتخابات کے بعد 7 روز میں انتخابی سرٹیفکیٹ جمع کرانا ضروری ہے۔

لندن ایم کیو ایم انٹر نیشنل نے کراچی میں لیاری۔

الیکشن کمیشن نے ایم کیو ایم کو شوکاز کا جواب دینے کے لیے 14 روز کی مہلت دی ہے اور جواب نہ ملنے پر قانون کے مطابق مزید کارروائی کی جائے گی۔

الیکشن کمیشن کی جانب سے کہا گیا ہے کہ پارٹی انتخابات نہ کرانے پر ایم کیو ایم انتخابی نشان حاصل کرنے کی اہلیت سے محروم ہو سکتی ہے اور آئندہ انتخابات کے لیے ایم کیو ایم پاکستان کا انتخابی نشان روکا بھی جا سکتا ہے۔