امریکا اور اسرائیل کی ایران پر بڑے حملوں کی تیاری

دی اردو پوسٹ (مانیٹرنگ ڈیسک): امریکا میں وسط مدتی انتخابات کے بعد جنگ کا دوبارہ مختصر لیکن شدید آغاز ہوسکتا ہے۔ امریکا نے خلیجی ریاستوں کو پیغام پہنچا دیا گیا۔

وال اسٹریٹ جرنل نے دعویٰ کیا کہ ایران کے خلاف امریکا اور اسرائیل جنگی کارروائیوں کے نئے سلسلے کی تیاری کر رہے ہیں جس کا مقصد تہران کی طاقت کمزور اور مذاکرات پر مجبور کرنا۔

امریکی افواج خطے میں دوبارہ گولہ بارود جمع اور طیارے حملوں کی تیاری کررہی ہیں۔ فلائٹ ٹریکنگ کے مطابق امریکی فوج ٹیکساس سے اسرائیل کواضافی پیٹریاٹ سسٹم بھیج رہی۔

دوسری جانب خطے میں جنگ کے بڑھتے سائے کے دوران خلیجی ممالک نے امن معاہدے کی کوششیں تیز کردیں۔ قطری ثالثوں نے جنگ ختم کرنے کےلیے ایران کو نیا معاہدہ پیش کر دیا۔

خبر ایجنسی روئٹرز کے مطابق معاہدے کا مسودہ اتوار کو تہران کے حوالے کیا گیا اور ایران کا جواب ہفتے کے آخر میں متوقع۔

نئے مسودے میں سات روز کی ٹائم لائن مقرر کی گئی۔

برطانوی اخبار گارڈین کا کہنا ہے کہ خلیجی ملک سمجھتے ہیں دوبارہ جنگ ہوئی تو تباہ کن ہو گی یہی وجہ ہے وہ امریکا اور ایران کے درمیان امن معاہدے پر کام کر رہی ہیں۔

معاہدے کے مطابق پابندیاں ہٹتے ہی ایران سات کے بجائے چار روز میں آبنائے ہرمز کھول دے گا جب کہ حوثی ملیشیا یمن کے علاقوں سے قبضہ ختم کردے۔