امریکا ایران اختلافات کم کرنے کی کوششیں جاری ہیں، دونوں تجاویز کا جائزہ لے رہے ہیں، قطر

خلیج بیورو (ریاض / دبئی): گزشتہ رات تہران جانے والی قطری ثالثی ٹیم دوحہ واپس پہنچ گئی، امریکا اور ایران کے درمیان اختلافات کم کرنے کی کوششیں جاری ہیں۔

قطری وزارت خارجہ کے ایک بیان میں کہا گیا ہے کہ دونوں فریق ثالثی کے دوران پیش کی گئی ہماری تجاویز کا جائزہ لے رہے ہیں۔

وزارت خارجہ کا کہنا ہے کہ خطے اور خلیجی ممالک میں کشیدگی بڑھنے سے روکنے کے لیے اتفاقِ رائے موجود ہے، دونوں فریقوں کے ساتھ مذاکرات میں پیش رفت ہوئی ہے۔

ترجمان نے کہا کہ امریکا اور ایران دونوں ثالثی کےعمل کے لیے پُرعزم ہیں۔ دونوں فریق اس وقت پیش کردہ تجویز کا جائزہ لے رہے ہیں۔