امریکی سینٹرل کمانڈ کے پاس ایران پر حملے کا منصوبہ موجود ہے، نیویارک ٹائمز

بین الاقوامی ڈیسک (واشنگٹن / لندن): واشنگٹن: نیویارک ٹائمز کی رپورٹ میں انکشاف ہوا ہے کہ امریکی سینٹرل کمانڈ کے پاس ایران پر حملے کا منصوبہ موجود ہے۔

غیر ملکی ذرائع ابلاغ کے مطابق ایران پر حملے کا منصوبہ امریکی مڈٹرم انتخابات کے بعد عمل میں لایا جاسکتا ہے، خطے میں اس وقت 3 امریکی طیارہ بردار بحری جہاز موجود ہوں گے۔

نیویارک ٹائمز کے مطابق ایران آپریشن کےلیے موزوں حالات صرف مختصر مدت تک برقرار رہیں گے، نومبر کے اوائل میں ایک امریکی طیارہ برداربحری جہازکی واپسی طے ہے۔

دوسری جانب امریکی صدر ڈونلڈ ٹرمپ کا کہنا ہے کہ امریکا کا ایران پر حملہ کرنے کا فی الحال کوئی فوری منصوبہ نہیں ہے۔

برطانوی جریدے کو انٹرویو میں امریکی صدر ڈونلڈ ٹرمپ کا کہنا تھا کہ ایران کے ساتھ امریکا کی پوزیشن مضبوط ہے۔ لگتا ہے ہمیں وہ سب کچھ مل رہا ہے جو ہم چاہتے ہیں۔

قبل ازیں امریکی ٹی وی کو انٹرویو میں ٹرمپ نے کوہ کلنگ پر حملے سے متعلق سوال پر کہا تھا کہ یہ کارروائی ’ایک گھنٹے کے اندر‘ سرانجام دی جاسکتی ہے۔

اُن کا کہنا تھا کہ گزشتہ رات ایران پر کیا گیا حملہ محدود آپریشن تھا جسے وسیع جنگ قرار نہیں دیا جاسکتا، ہم ایران کی جوہری تنصیبات کی مسلسل نگرانی کررہے ہیں۔