اپوزیشن لیڈر وزیر اعظم ہاؤس جانے کو تیار ہیں: ترجمان اپوزیشن اتحاد

دی اردو پوسٹ (مانیٹرنگ ڈیسک): اپوزیشن اتحاد تحریک تحفظ آئین پاکستان کے ترجمان اخونزادہ حسین یوسفزئی نے کہا ہے کہ اپوزیشن لیڈر وزیر اعظم ہاؤس جانے کو تیار ہیں تاکہ پاکستان کو بحرانوں سے نکالا جا سکے۔

اپنے بیان میں ترجمان اپوزیشن اتحاد کا کہنا تھا کہ وزیر اطلاعات کو حکومت اور اپوزیشن مذاکرات کے بنیادی نکات تک کا علم نہیں۔

انہوں نے کہا کہ عطا تارڑ کو بات کرنے سے پہلے رانا ثنا اللّٰہ اور طارق فضل چوہدری سے بات کر لینا چاہیے تھی۔ عطا تارڑ کو اعظم نذیر تارڑ سے پوچھ لینا چاہیے تھا کہ حقیقت کیا ہے، ان افراد سے پوچھ کر جان لینا چاہیے تھا کہ کون پیچھے ہٹا۔

اخونزادہ حسین یوسفزئی کا کہنا تھا کہ اپوزیشن لیڈر نے حکومت کو ایک مرتبہ پھر سنجیدہ مکالمے کی دعوت دی ہے، اپوزیشن لیڈر نے کہا ہے کہ میں وزیراعظم ہاؤس جانے کے لیے تیار ہوں۔

ترجمان اپوزیشن اتحاد نے کہا کہ اپوزیشن لیڈر وزیراعظم ہاؤس جانے کو تیار ہیں تاکہ پاکستان کو بحرانوں سے نکالا جا سکے۔