اکتوبر میں سیمنٹ کی مقامی فروخت بڑھ گئی، برآمدات میں کمی ریکارڈ

دی اردو پوسٹ (مانیٹرنگ ڈیسک): رواں مالی سال کے پہلے 4 ماہ میں سیمنٹ کی مجموعی فروخت میں 2.93 فیصد اضافہ ریکارڈ کیا گیا ہے۔

آل پاکستان سیمنٹ مینوفیکچررز ایسوسی ایشن کے مطابق اکتوبر 2026 کے دوران سیمنٹ کی مقامی فروخت میں 1.17 فیصد اضافہ ہوا اور یہ 40 لاکھ 41 ہزار ٹن رہی۔

اسی ماہ سیمنٹ کی برآمدات 3.67 فیصد کمی کے بعد 7 لاکھ 68 ہزار 754 ٹن رہ گئیں، جبکہ مقامی فروخت اور برآمدات کو ملا کر مجموعی فروخت 0.37 فیصد اضافے سے 48 لاکھ 10 ہزار ٹن ریکارڈ کی گئی۔