ایل این جی لے جانے والا قطری جہاز خلیج عرب میں نامعلوم اشیا سے متصادم

پشاور (نمائندہ خصوصی): قطر کی سرکاری گیس ٹرانسپورٹ کمپنی نقیلات نے بتایا ہے کہ اس کا مائع قدرتی گیس لے جانے والا جہاز خلیج عرب میں سفر کے دوران نامعلوم اشیا سے متصادم ہوا ہے۔

کمپنی کے مطابق جہاز پر موجود کسی بھی رکنِ عملہ کو نقصان نہیں پہنچا اور واقعے کے نتیجے میں سمندر میں کسی قسم کی ماحولیاتی آلودگی بھی رپورٹ نہیں ہوئی۔

جہاز اس وقت محفوظ اور قابلِ استعمال حالت میں ہے، جبکہ حکام اس کو پہنچنے والے ممکنہ نقصان کا جائزہ لے رہے ہیں۔

نقیلات کا کہنا ہے کہ کمپنی جہاز کے عملے اور متعلقہ سمندری سکیورٹی اداروں سے مسلسل رابطے میں ہے اور خلیج میں صورتحال کی کڑی نگرانی کی جارہی ہے۔