ایل پی جی کی بڑھتی ہوئی قیمتوں سے پریشان صارفین کے لیے بڑی خوشخبری آگئی

کراچی (معاشی و سیاسی بیورو): کراچی : ایل پی جی کی فی کلو قیمت 550 روپے سے کم ہو کر 500 روپے تک آگئی ، 48 گھنٹوں میں قیمتوں میں مزید 30 روپے فی کلو کمی کا امکان ظاہر کیا جا رہا۔

تفصیلات کے مطابق کراچی میں ایل پی جی کی قیمتوں میں ریکارڈ کمی کا سلسلہ جاری ہے، جہاں محض 4 دنوں کے اندر ایل پی جی کی قیمت 50 روپے فی کلو تک کم ہو گئی۔

درآمدی ایل پی جی کے 3 جہاز پورٹ قاسم پہنچنے کے بعد مارکیٹ میں سپلائی کی صورتحال بہتر ہوئی ہے، جس کے نتیجے میں ایل پی جی کی فی کلو قیمت 550 روپے سے کم ہو کر 500 روپے تک آ گئی۔

ایل پی جی ایسوسی ایشن نے بتایا کہ مارکیٹ میں وافر مقدار میں ایل پی جی کی آمد کے باعث آئندہ 48 گھنٹوں میں قیمتوں میں مزید 30 روپے فی کلو کمی کا امکان ظاہر کیا جا رہا۔

ایسوسی ایشن حکام نے بتایا کہ ایران سے ایل پی جی کے 900 باؤزرز ریلیز کر دیے گئے ہیں، جس کے باعث قیمتوں میں مزید کمی متوقع۔

پاک ایران سرحد سے 200 ایل پی جی باؤزرز جلد کراچی پہنچ جائیں گے، جس سے پاک ایران سرحد کے ذریعے 4 ہزار ٹن سے زائد ایل پی جی کی سپلائی کا امکان ہے اور شہر میں آج بھی 100 سے زائد ایل پی جی باؤزرز کے پہنچنے کی توقع۔