سعودی عرب کو بدنام کرنے کیلیے حوثیوں کے نئے حربے؛ ایپسٹین فائل پروپیگنڈا عام کرنے لگے

خلیج بیورو (ریاض / دبئی): یمن کے حوثی باغیوں نے سعودی عرب کے خلاف میزائلوں اور ڈرونز حملوں کے ساتھ اب پروپیگنڈا جنگ بھی تیز کردی ہے جس کے لیے تمام اخلاقی حدیں پار کرلیں۔

امریکی نشریاتی ادارے کی رپورٹ کے مطابق سعودی شاہی خاندان سے وابستہ افراد کی جانب سے خانہ کعبہ پر چڑھائے جانے والے غلاف کے کپڑے جیفری ایپسٹین کے نجی جزیرے پر بھیجے جانے سے متعلق اطلاعات کو حوثی اب اچھال رہے ہیں۔

حوثی رہنما عبدالملک الحوثی اپنی تقاریر میں بھی ایپسٹین فائلوں کا حوالہ دیتے رہے ہیں۔ اس منفی درگرمی کا مقصد سعودی حکمرانوں کو بدعنوان ثابت کرنا اور اسلام کے مقدس مقامات کی حفاظت کے دعوے پر سوالات اٹھانا۔

یہ مہم ایسے وقت میں چلائی جا رہی ہے جب سعودی عرب نے رواں ہفتے حوثیوں پر مکہ مکرمہ اور مدینہ منورہ کے علاقوں کی جانب ڈرون بھیجنے کا الزام عائد کرتے ہوئے اسے مسلمانوں کو اشتعال دلانے کی کوشش قرار دیا تھا۔