سعودی ویزا اب ایک ہی دن میں! پاکستانیوں کے لیے بڑا اعلان

اسلام آباد (نیوز ڈیسک): اسلام آباد: سعودی عرب نے پاکستانی شہریوں کو بڑی سہولت فراہم کرتے ہوئے ویزا درخواستوں ایک ہی دن میں نمٹانے کا اعلان کردیا۔

تفصیلات کے مطابق سعودی عرب نے پاکستانی شہریوں کے لیے ویزا درخواستوں کی ایک ہی دن میں پراسیسنگ کا آغاز کر دیا۔

پاکستان میں تعینات سعودی سفیر راجح بن طامی البقامی نے بتایا کہ اسلام آباد میں سعودی سفارت خانے نے پاکستانی شہریوں کو سہولت فراہم کرنے کے لیے یہ اقدام کیا۔

سعودی سفیر نے وفاقی وزیر پیٹرولیم علی پرویز ملک سے ملاقات میں بتایا کہ اس اقدام کا مقصد دونوں ممالک کے درمیان سفری سہولتوں، کاروباری روابط اور عوامی و ثقافتی تبادلوں کو فروغ دینا۔

ملاقات میں پاکستان اور سعودی عرب کے درمیان معدنیات، پیٹرولیم اور توانائی کے شعبوں میں تعاون بڑھانے پر بھی تبادلہ خیال کیا گیا۔

وفاقی وزیر نے بتایا کہ پاکستان نے ٹیکس نیوٹرل بانڈڈ پالیسی منظور کرلی ہے، جس کے تحت سعودی کمپنیاں پاکستان میں مقامی ٹیکس کی ذمہ داری کے بغیر تجارتی تیل کے ذخائر قائم کرسکیں۔