شرح سود سنگل ڈیجٹ میں لانے کا مطالبہ

کراچی (معاشی و سیاسی بیورو): کراچی: پالیسی ریٹ میں اضافے پر ایف پی سی سی آئی نے شدید ردعمل ظاہر کیا ہے اور حکومت سے شرح سود سنگل ڈیجٹ میں لانے کا مطالبہ کیا ہے۔دیا۔

فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) نے اسٹیٹ بینک کی جانب سے پالیسی ریٹ میں 0.5 فی صد اضافے کی شدید مذمت کرتے ہوئے شرح سود فوری طور پر سنگل ڈیجٹ میں لانے کا مطالبہ کیا ہے۔دیا۔

صدر ایف پی سی سی آئی عاطف اکرام شیخ نے کہا کہ پالیسی ریٹ بڑھ کر 12 فی صد ہونے سے ملکی معیشت کی مسابقتی صلاحیت متاثر ہوگی، جب کہ صنعتوں کی ترقی اور پاکستانی مصنوعات کی عالمی منڈیوں میں مقابلے کی صلاحیت مزید کم زور پڑے۔

عاطف اکرام شیخ کا کہنا ہے کہ صنعت کار پہلے ہی بلند پیداواری لاگت، یوٹیلیٹی ٹیرف میں اضافے اور مالی مشکلات کا سامنا کر رہے ہیں، ایسے میں شرح سود بڑھانا کاروباری شعبے کے لیے مزید مشکلات پیدا کرے۔

انھوں نے کہا کہ بلند شرح سود نے کاروبار کے لیے قرضوں کا حصول ناقابل برداشت بنا دیا ہے، جب کہ سخت مانیٹری پالیسی سرمایہ کاری، صنعتی پیداوار اور روزگار کے نئے مواقع کی راہ میں رکاوٹ بن رہی۔

صدر کے مطابق ملک میں مہنگائی کی بڑی وجوہ توانائی کی بڑھتی قیمتیں، رسد کے نظام میں رکاوٹیں اور مالیاتی بے ضابطگیاں ہیں۔ ایسے حالات میں شرح سود بڑھانے سے پیداواری لاگت میں اضافے کے باعث پیدا ہونے والی مہنگائی پر قابو پانا مشکل ہوگا اور صنعتوں پر مزید مالی بوجھ پڑے۔

عاطف اکرام نے خبردار کیا کہ بلند شرح سود کے باعث کاروباری اداروں کو اپنی سرگرمیاں محدود یا بند کرنا پڑ سکتی ہیں، جس سے سرمایہ کاری اور معاشی نمو متاثر ہونے کا خدشہ۔

انھوں نے حکومت اور اسٹیٹ بینک پر زور دیا کہ مانیٹری پالیسی پر فوری نظر ثانی کی جائے اور شرح سود سنگل ڈیجٹ میں لائی جائے تاکہ چھوٹے اور درمیانے درجے کے کاروبار سمیت صنعتی شعبے کو سستے قرضوں کی فراہمی ممکن ہو سکے۔ انھوں نے مطالبہ کیا کہ کاروبار دوست معاشی پالیسیاں اپنائی جائیں، شرح سود کو علاقائی ممالک کے مقابلے میں قابل مقابلہ بنایا جائے اور اہم معاشی فیصلوں سے قبل کاروباری برادری سے مؤثر مشاورت یقینی بنائی جائے۔