فلم ’ٹشن‘ کیوں ناکام ہوئی تھی؟ 18 سال بعد حقیقت سامنے آگئی

واضح رہے کہ وجے کرشنا آچاریہ کی بطور ہدایت کار پہلی فلم ’’ٹشن‘‘ میں اکشے کمار نے ’بچن پانڈے‘، سیف علی خان نے ’جمی‘ جبکہ کرینہ کپور نے ’پوجا‘ کا مرکزی کردار ادا کیا تھا، اور انیل کپور بھی اہم کاسٹ میں شامل تھے۔

فلم میں ایکشن، کامیڈی، رومانس اور کرائم کا امتزاج دکھانے کی کوشش کی گئی تھی، لیکن ظاہری چمک دمک اور غیر ملکی لوکیشنز کے باوجود اس کا اسکرین پلے اور کمزور کہانی ناظرین کو متاثر کرنے میں ناکام رہی۔

دلچسپ بات یہ ہے کہ اگرچہ فلم باکس آفس پر ناکام رہی، لیکن اسی کی شوٹنگ کے دوران سیف علی خان اور کرینہ کپور کی محبت کی کہانی کا آغاز ہوا تھا۔

حال ہی میں اکشے کمار نے ایک شو میں پرانا واقعہ سناتے ہوئے بتایا تھا کہ انہوں نے سیف کو صبح ساڑھے چار بجے کرینہ کے کمرے سے باہر آتے دیکھا تھا، جس پر سیف نے مذاقاً کہا تھا کہ وہ دونوں جاگنگ کے لیے جا رہے ہیں۔ وقت کے ساتھ یہ فلمی جوڑی اور ان کی حقیقی زندگی کی پریم کہانی زیادہ مشہور ہوگئی۔

ٹشن‘‘ کی ناکامی کے بعد دونوں اداکاروں نے طویل عرصے تک ایک ساتھ کام نہیں کیا، لیکن اب 18 سال کے طویل وقفے کے بعد وہ ہدایت کار پریہ درشن کی فلم ’’حیوان‘‘ میں ایک بار پھر بڑے پردے پر ساتھ نظر آرہے ہیں۔

اس نئی فلم میں دونوں کا انداز بالکل مختلف ہے، وقت کے ساتھ دونوں اداکاروں نے سنیما میں اپنی الگ اور منفرد شناخت قائم کی ہے، اور آج بھی ’ٹشن‘ کو ایک ناکام فلم کے ساتھ ساتھ ان کی دوستی اور محبت کے ایک اہم سنگ میل کے طور پر یاد کیا جاتا۔