ویڈیو : 17ویں صدی کا لاہور کیسا تھا ؟ شاہی قلعہ میں مغلیہ دور کی نایاب جھلکیاں

رپورٹ کے مطابق شرکا کے لیے روایتی شاہی سواری کا بھی اہتمام کیا گیا، جس کے ذریعے انہیں قلعے کے مرکزی مقام تک پہنچایا گیا۔

اس موقع پر شاہی قلعے میں داخل ہوتے ہی مہمانوں کو فنکارانہ اور ثقافتی مظاہرے دیکھنے کو ملے، قلعے کے مختلف حصوں میں متعدد ثقافتی اور تفریحی سرگرمیوں کا بھی اہتمام کیا گیا تھا۔

مذکورہ تقریب میں مغلیہ دور سے منسوب مختلف نمائشی اشیا بھی رکھی گئی تھی، شرکا کے لیے بادشاہ اکبر کے طرز کا شاہی لباس بھی موجود تھا، جسے پہن کر سیاح یادگاری تصاویر بنوا سکتے تھے۔

تقریب کا مرکزی حصہ شاہی طرز کی خصوصی پرفارمنس تھی، جس میں بادشاہ اور دربار کے ماحول کو ڈرامائی انداز میں پیش کیا گیا جس میں شاہی دور کے رنگ، موسیقی روایات اور درباری ماحول کو اجاگر کیا گیا۔

’ہسٹری بائی نائٹ‘ کے اس تجربے میں شاہی قلعے کی تاریخی عمارت اور رات کے وقت روشن ماحول نے تقریب کی کشش میں مزید اضافہ کیا۔

شاہی قلعہ میں چیمپئنزٹرافی کی رنگارنگ افتتاحی تقریب۔