ویڈیو:‌ کراچی کے ساحل پر پہلی بار 45 فٹ لمبی اسپرم وہیل کی موجودگی

کراچی سے چالیس ناٹیکل میل جنوب مغرب میں سمندری پانیوں میں 45 فٹ لمبی اسپرم وہیل کو دیکھ لیا گیا ہے، جو سندھ کے ساحل پر اس دیوہیکل وہیل کی پہلی دستاویزی موجودگی ہے۔

ورلڈ وائڈ فنڈ فار نیچر کے بورڈ ممبر زاہد میکر نے ایک سمندری مہم کے دوران اس نایاب وہیل کو دیکھا۔ اس دوران بنائی گئی اسپرم وہیل کی فوٹیج میں اس کی تمام نمایاں جسمانی خصوصیات بھی واضح طور پر ریکارڈ کی گئی ہیں۔

ماہرین کے مطابق اسپرم وہیل اپنی خوراک کی تلاش میں102 کلومیٹر گہرائی تک غوطہ لگانے کی صلاحیت رکھتی ہے۔

اس نئی دریافت کے ساتھ ہی اب پاکستان کے سمندری پانیوں میں وہیل کی کل 26 اقسام دستاویزی طور پر ریکارڈ ہو چکی ہیں، جبکہ یہاں دانتوں والی وہیل کی کئی دیگر اقسام بھی پہلے دریافت ہو چکی ہیں۔

تاہم، ماہرین نے تشویش کا اظہار کیا ہے کہ ماہی گیری کے پھنسے ہوئے جال، بحری جہازوں سے ٹکراؤ اور بڑھتی ہوئی سمندری آلودگی اس قیمتی سمندری حیات کے لیے شدید خطرہ بنتے جا رہے ہیں۔