پاکستان مکہ اتحادیوں اور ایران کو ایک میز پر کیسے لایا؟

بیجنگ (تزویراتی بیورو): پاکستان مکہ دفاعی معاہدے کے اتحادیوں اور ایران کو ایک میز پر لانے میں کامیاب ہو گیا، مگر کیسے؟ سفارتی ذرائع کے مطابق بڑھتے امریکی حملوں سے واضح ہو گیا تھا کہ ایرانی حکومت و سیکیورٹی ڈھانچے کے گرنے کا امکان نہیں مگر جنگ میں تیزی خطے کے ان ملکوں کو بھی لپیٹ میں لے سکتی جو جنگ کا حصہ نہیں۔

اسی سوچ کیساتھ مسلم ممالک نے اجتماعی مفادات کے تحفظ کیلیے قریب آنا شروع کر دیا۔ ایک سینئر سفارتکار نے بتایا کہ جب مکہ دفاعی معاہدہ پر بات ہو رہی تھی، ایک سفیر نے کہا تھا کہ تینوں اتحادیوں کو بالآخر ایران سے بات کرنا ہو۔

یہ پیش گوئی اس وقت سچ ثابت ہوئی جب فیلڈ مارشل عاصم منیر، سعودی وزیرِ دفاع شہزادہ خالد بن سلمان اور ترکش انٹیلیجنس چیف ابراہیم کلن ایرانی قیادت سے غیر معمولی ملاقات کیلئے ایسے وقت تہران پہنچے۔

سفارتی ذرائع نے مذاکرات کا ماحول ’’انتہائی خوشگوار اور مثبت‘‘ قرار دیتے ہوئے کہا کہ پاکستان نے مکہ معاہدہ کے رکن ملکوں اورایران کو ایک میز پر لانے میں کلیدی کردار ادا کیا، پاکستان کے بغیر یہ پیش رفت ممکن نہ تھی۔