کراچی : آسٹریلوی اہلیہ کے اسپانسر ویزے پر آسٹریلیا جانے والا مشتبہ افغان شہری گرفتار
پاکستان کا نمبر 1 ڈیجیٹل پورٹل - اشتہار کی جگہ
یہاں اپنا اشتہار یا بینر لگانے کے لیے ہم سے رابطہ کریں
آڈیو خلاصہ سنیں (نیوز اوورویو و مکالمہ)
السلام علیکم! دی اردو پوسٹ کے خصوصی اے آئی آڈیو اوورویو میں خوش آمدید۔ میں ہوں آپ کا میزبان، اور آج کی بڑی خبر کا جائزہ لے رہے ہیں۔ خبر کی سرخی ہے: "کراچی : آسٹریلوی اہلیہ کے اسپانسر ویزے پر آسٹریلیا جانے والا مشتبہ افغان شہری گرفتار"۔
📌 اہم نکات (خلاصہ):
- تفصیلات کے مطابق کراچی کے جناح انٹرنیشنل ایئرپورٹ پر ایف آئی اے امیگریشن نے بڑی کارروائی کرتے ہوئے جعلی کوائف اور دھوکہ دہی کے ذریعے آسٹریلیا جانے والے ایک مسافر کو گرفتار کر لیا ہے۔
- ترجمان ایف آئی اے نے بتایا کہ گرفتار مسافر شہاب حسین اپنی آسٹریلوی اہلیہ کے اسپانسر کردہ ویزے پر آسٹریلیا روانہ ہو رہا تھا۔
- امیگریشن چکنگ کے دوران ملزم کے پاسپورٹ اور سفری ریکارڈ میں سنگین تضادات سامنے آئے، جس کے بعد اسے مشتبہ افغان شہری ہونے کے شبے میں تحویل میں لے لیا گیا۔
- امیگریشن ریکارڈ کے مطابق مسافر کی پاکستان سے پہلے کی روانگی کا کوئی ریکارڈ موجود نہیں تھا، جبکہ اس کا پہلا اندراج 2 ستمبر 2020 کو ایمرجنسی پاسپورٹ پر اسلام آباد ایئرپورٹ کا ہے۔
کراچی (معاشی و سیاسی بیورو): کراچی : ایئرپورٹ پر آسٹریلوی اہلیہ کے اسپانسر ویزے پر آسٹریلیا جانے والے مشتبہ افغان شہری کو گرفتار کرلیا گیا،ملزم کے پاسپورٹ اور سفری ریکارڈ میں سنگین تضادات سامنے آئے۔
تفصیلات کے مطابق کراچی کے جناح انٹرنیشنل ایئرپورٹ پر ایف آئی اے امیگریشن نے بڑی کارروائی کرتے ہوئے جعلی کوائف اور دھوکہ دہی کے ذریعے آسٹریلیا جانے والے ایک مسافر کو گرفتار کر لیا ہے۔
ترجمان ایف آئی اے نے بتایا کہ گرفتار مسافر شہاب حسین اپنی آسٹریلوی اہلیہ کے اسپانسر کردہ ویزے پر آسٹریلیا روانہ ہو رہا تھا۔
امیگریشن چکنگ کے دوران ملزم کے پاسپورٹ اور سفری ریکارڈ میں سنگین تضادات سامنے آئے، جس کے بعد اسے مشتبہ افغان شہری ہونے کے شبے میں تحویل میں لے لیا گیا۔
۔ملزم نے ماضی میں افغانستان کے راستے دبئی اور پھر جعلی یا غیر قانونی بھارتی پاسپورٹ پر انڈونیشیا کا سفر کیا جبکہ ملزم کے قبضے سے 2018 کا یو این ایچ سی آر کارڈ اور پناہ کی درخواست برآمد ہوئی ہے، جہاں اس نے خود کو بھارتی شہری ظاہر کر کے پناہ مانگی تھی۔
ترجمان کا کہنا تھا کہ پاکستان واپسی پر ملزم نے نئے پاسپورٹ اور قومی شناختی کارڈ کے حصول کے دوران اپنے اصل کوائف چھپائے۔
تفتیش کے دوران مسافر کی آسٹریلوی اہلیہ کے شناختی کارڈ اور پاسپورٹ کے کوائف میں بھی واضح تضاد پایا گیا ہے۔
ایف آئی اے نے تمام مشتبہ دستاویزات کو تحویل میں لے کر ملزم کو مزید قانونی کارروائی اور تفتیش کے لیے اینٹی ہیومن ٹریفکنگ سرکل کراچی منتقل کر دیا ہے۔
قومی اور بین الاقوامی برانڈز کے لیے سپانسرڈ بینر اسپیس
پاکستان اور دنیا بھر میں اپنے برانڈ کو نمایاں کریں
طارق محمود چوہدری
سینئر تجزیہ نگار و چیف رپورٹردی اردو پوسٹ کے باقاعدہ تصدیق شدہ صحافی و نامہ نگار۔ تمام خبریں پاکستان پریس کونسل اور ادارتی ضابطہ اخلاق کے تحت شائع کی جاتی ہیں۔
