کراچی: شاہراہ فیصل کال سینٹر سے گرفتار ملزمان سے متعلق عدالت کا بڑا حکم

کراچی (معاشی و سیاسی بیورو): کراچی کی عدالت نے شارع فیصل پر کال سینٹر سے گرفتار 18 سال سے کم عمر ملزمان اور خواتین کو ضمانت پر رہا کرنے کا حکم دے دیا۔

این سی سی آئی اے نے شاہراہ فیصل میں کال سینٹر پر کارروائی کرتے ہوئے 200 سے زائد افراد کو گرفتار کرکے عدالت میں پیش کیا تاہم اب عدالت نے کم عمر افراد کو ضمانت پر رہا کرنے کا حکم دیتے ہوئئے دیگر ملزمان کو عدالتی ریمانڈ پر جیل بھیج دیا۔

این سی سی آئی اے کے تفتیشی افسر نے عدالت کو بتایا کہ ملزمان غیرملکیوں سے فراڈ میں ملوث ہیں۔

یہ پڑھیں: کراچی میں 350 فراڈ کال سینٹر چلائے جانے کا انکشاف، شاہراہ فیصل سے 200 زائد ملزمان گرفتار۔

تفتیشی افسر سے موقف اختیار کیا کہ 9 اہم ملزمان کا جسمانی ریمانڈ درکار ہے۔

واضح رہے کہ محکمہ داخلہ نے کال سینٹر کو سب جیل قرار دے دیا جبکہ کال سینٹر میں لڑکے، لڑکیوں سمیت دو سو سے زائد افراد موجود تھے جن کے لواحقین کا شارع فیصل پر احتجاج کیا ہے۔