کراچی میں ملزم خاتون کیشیئر سے نوٹوں‌ کی گڈی دیکھنے کے بہانے لے کر فرار

کراچی (معاشی و سیاسی بیورو): کراچی میں ملزم بینک کی خاتون کیشئر سے نوٹوں کی گڈی دیکھنے کے بہانے لے کر فرار ہوگیا۔

اے آر وائی نیوز کے مطابق کراچی کے علاقے نیو ٹاؤن شرف آباد میں انوکھی واردات ہوئی ہے جہاں کم عمر ملزم بینک کیشیئر سے 41 ہزار روپے چھین کر فرار ہوگیا۔

شلوار قمیض اور ٹوپی پہنا ملزم کاؤنٹر پر کھڑا رہا اور خاتون کیشیئر کو باتوں میں الجھایا۔

ملزم نے ایک ہزار کے نوٹوں والی گڈی دیکھنے کے لییے مانگی اور لے کر بھاگ گیا، خاتون ملزم کے پیچھے چلاتی رہی۔

پولیس کو واردات سے متعلق آگاہ کردیا گیا ہے۔

یہ پڑھیں: کراچی: موبائل مارکیٹ میں ڈکیتی کی سی سی ٹی وی فوٹیج سامنے آگئی۔

فوٹیج میں دیکھا جا سکتا ہے کہ چھ ملزمان نے دکان میں داخل ہو کر اسلحہ کے زور پر دکاندار کو یرغمال بنایا اور دکان سے قیمتی موبائل فونز اور نقدی لوٹ کر باآسانی فرار ہو گئے۔

فوٹیج کے مطابق واردات میں ملوث ملزمان نے اپنی شناخت چھپانے کے لیے چہروں پر کپڑا باندھ رکھا تھا۔ اس لرزہ خیز واردات کے بعد تاجر برادری میں شدید تشویش پائی جاتی ہے۔

ملزمان تقریبا 45 سے 50 لاکھ کے موبائل فونز چھین کر لے گئے، پولیس کا کہنا ہے کہ مزید سی سی ٹی فوٹیجز حاصل کی جارہی ہیں، جبکہ ملزمان کی شناخت کی کوشش بھی جاری ہے۔