راولپنڈی رنگ روڈ کا افتتاح آٹھویں مرتبہ مؤخر

لاہور (بیورو رپورٹ): راولپنڈی رنگ روڈ کا افتتاح آٹھویں مرتبہ بھی مؤخر کر دیا گیا، 6 نومبر کو وزیراعلیٰ پنجاب مریم نواز منصوبے کا افتتاح نہیں کریں گی۔

پنجاب رنگ روڈ اتھارٹی نے افتتاح کو ٹولنگ بوتھ سسٹم اور وزن تولنے والے ویٹ اسٹیشنز کی تکمیل سے مشروط کر دیا۔ حکام کے مطابق ٹول ٹیکس وصولی کا نظام مکمل ہونے کے بعد ہی رنگ روڈ کو ٹریفک کے لیے کھولا جائے گا۔

رنگ روڈ کے افتتاح سے قبل بانٹھ انٹرچینج جی ٹی روڈ پر تمام انتظامات مکمل کرلیے گئے تھے۔ بانٹھ انٹرچینج سے ٹھلیاں موٹروے لنک تک 38.3 کلومیٹر طویل روٹ مکمل، چار انٹرچینجز بھی تیار ہیں بانٹھ، چک بیلی خان، اڈیالہ اور چکری انٹرچینجز مکمل، پانچواں ٹھلیاں انٹرچینج تاحال زیر تعمیر ہے۔